O 26 de marzo tivemos o pracer de desfrutar (aínda que sexa de maneira remota) dunha palestra de Óscar Blanco, astrónomo e socio fundador da Agrupación Astronómica Coruñesa Ío, da Coruña. Óscar explicounos os conceptos básicos de mecánica celeste, aproveitando a proximidade do equinoccio de primavera, ademais de aprender sobre outros asuntos moi interesantes: a eclíptica, o movemento aparente do sol co paso dos días, o descubrimento de novas galaxias e planetas, e mesmo nos falou da contaminación luminosa, motivo polo que estamos a perder, pouco a pouco, a escuridade da noite. Encantáronnos as fotos que acompañaban a súa presentación, todas tiradas por el mesmo, xa que tamén realiza fotografía astronómica. Moitas grazas, Óscar!!
Comments